Chakai Meichher Chhit.

October thla hi chu pi leh pu te chen a hun nuam leh duhawm ava ni chiang em! Luikal te pawh anuam em em vek mai.
Chakai meichher chhit te hi anuam em em a, mahse hlawhtlin loh erawh chuan ahahthlak thung! Chakai chiah nana Aibuh ngat hman hi chu a fair ka ti. Aibuh chu enge anih?
Hruizam lian tak, hnah nei mang lo ani a..chu chu an la teuh a, an phel darh a,(an thliar sin) thlalak ami ang khian an rawh a, lui ah, tui chim chin ah lung ten an delh bet a, lui hnar lam atang a tanin, luimawng thleng an suartluan a(Aibuh kha an chiah thla zel a) khawthim ah, athen chuan arsi lan tirh ah te, a aia tlai ah te pawh, chakai meichher an chhit tan ta thin ani.
Aibuh chiah kha chakai tam na ah chuan pali panga, sawm aia tam tam te pawn an lo bawm a, chung chu an man a, chu zawng chu chakai meichher chhit chu ani mai.

Read more »

Kan Arpa Duhlai.

(Thla hi ka hmehsak ve mai mai) - Nizan khan kan Ar pachal(ar chhiar khuan) chu Misual tak maiin min ruk sak a, tukin tuk pum khan misual hi ka pa nen kan dawp a, "Ka rui lutuk a, ngaihtuah ngaihna ka hre tawh lo" ati a. Dawt te asawi kual nual a. Mi ina puah atum thu leh arawh laia in neitu nun mei aleih hlum sak thu te asawi a. Office kal hun vel khan Pu Rokiman ka nu arawn call a, "Biakin ah, in ar thih dan" tih lampang ani. Thin athawng kher mai. Rapthlak takin Biakin ah alo han ch em ni? Ka nau te pahnih, Tantea leh Mama nen kan tlanchho nghal a, ka pi leh pu kan chhung te an lo awm tawh a. Biakin Choka kawngkhar kar chhia in, ar hi alo kang nel nual tawh ani. Biakin choka ah hian mei chhem thei lovin a beidawn san anih hmel! Ka nau Tantean atah a, zah pawh asawilo! Ka mittui atla nasa hle ani. He ar hi ar sual huai, chi tha tak ani a. Pu Hlutea(Ka nu nau) ar pa ni in nihnih nithum liam ta khan kan ar pa chal arawn thlengna ani a. A uiawm kher mai.

Read more »

Chakai

Nizanah ka nau Lalhruaitluanga(Mama) ten chakai meichher an chhit a, a lian puitling 120 velin an insem! Anuam nasa kher mai.

Read more »

Kan Biak In

Hei hi N Lungpher Presbyterian Biakin

Read more »

Kan Khua

Ka kalna hmuna hriatfuh remchanga ka lak kual vel mai mai ani a, venghlui tlang atang te, field tlang atang te a lak ani e.

Read more »

Kan Hall

Rs nuai 12 a sak, rs nuai 20 a chhunzawm leh tur

Read more »

Ninawm

Khawvel a inher zel a, naupang tet zual lai te chu hmanlai an chang zo ve ta reng mai. Hmanlai kan naupan lai a kan hlimpui em em thin te kha thangthar zel te hi chuan thil tih ngai ani tih pawh an hre ta lo. Kan hlim na ber ber chu thian ho emaw, veng bil emaw, ahuho va infiam kha ani a. Hmeichhia an tel mang mang lo ani ber. Kan veng chu venghlui liam min ti mai thin a. Kan veng ho chuan sikul ban veleh hian infiam-hona kan nei nghal thin.
Chung hunlai chuan kum 9 kum 10 vel kan ni ang a..?! Eng kum ber kha nge ka chiang ta lo ani. Kan kal khawm a, kawtzawl kan ti mai a. Pawl tur lam kan inthlang a. Kan infiamna lar zual deuh deuh chu Insavawm bu zawl te, In rawng hriat te, In Hawngbi te, In khelh te leh In burchhe thinrik te leh zana ahuhova inbihruk siak te an ni a. Inthlang kher lova kan hlimpui thin dang te chu, in hnawk te in thap te, in vai bah te(ahnu lawkah in bai bah an rawn ti daih a, ka hriat tirh a ka phawk zia chu!) heng bakah ram kal te, daipawn a hnimchen te, motor beh ruk te, tawlai chuan te, lui kal a tui thliar kam te, pi pu uai te, mipa naupang tih takah mi huan luh ruk te, kan hrat em em thin. Hmanah kha chuan sephung laih te, perhpawng laih te, zana perhpawng vih khalh leh uchang man te kha kan uar ve hman em em ani. Tin, in ral beih lemchan te, buk sak te, bai lem chhuan te, chaw eikhawm te kha anuam em em thin ani.
Tin, tuichara tuicheng tur ringawt a va kal te kha kan hrat em em thin. 'LI DUNG SEI' tih hming ka phuah te kha tu pawn kha hming khan an sawi a, tuman ka phuah tih erawh an hre zui lo. Lengzem hla thar kan sak ve awl awl thin zia te kha. Sawi tur atam mai. Nakinah infiamna, tunlai miten an hriat tawh mang loh te kha kimchang zawka post leh ka tum ang. Ka lung aleng hmanlai ka ngai, ka ngaihtuahna hmanlaiah a cheng tlat..ziah lan rem lo te kha ka'n dawn kir mai te'ng.

Read more »

THU POST DAN

I sawi duh apiang, thu eng pawh post tawp tawp rawh. Thu post na ah hian lut la, E mail anga thawnna tur address pawh a rawn lang ang. Chutichuan address rawn langah khan e mail anga thawn tawp mai tur ani a. Chutichuan i thu post chu arawn lang (publish) nghal mai dawn a ni. Hei hi direct thei ang bera post dan ani a..mahse administrator post tihna ani thung ang. Chuvangin by tia mahni hming ziah ni se, I hming iziah lan ngam loh chuan post lo la alawmawm ang.

Read more »

Thinlai Luahtu

1. Mahtea tinkim ka dawn laiin,
Nangnen sakhmel intawngin,
I zun ngai tur reng hian e,
Thinlai iluah zo; tleitir hmeltha.
cho- Thinlai luahtu, i zun phur mah ila,
Ka phu mawlh si lo che a,
Mahse nang ang em hian e,
Ka thlang lo'nge; lengdang zawng.
2. I tawna biahthu ka hlan zawng te,
Hmangaihna in i chhang silo,
Nemten min chhanglo mah la,
I zun ngaih puan ang ka bang lo'nge.
3. Thangvana chhawrthla a en chang leh,
Lenkawl eng riai ithlir chang in,
I zun ngaia riang te hi,
Min dawn ve thin rawh; Aw sakhmelmawi!

Read more »

A Awmna

N Lungpher hi Aizawl atang chuan km 100 vel bawr ani a, Aizawl atanga kal tur ta chuan Lunglei road ah  seling thleng, champhai road lamah jkeifang thleng, keifangin saitual a zawm a, phullen road zelah kalin Dilkhan khua akal pel leh a, kal zelin N Lungpher khua a pawh ta a ni,

Read more »